ظهرت معانا الفترة الأخيرة مصطلحات كان المفروض إنها تظهر في وقت الشدة ووقت احتياجنا للاتحاد مع بعض ضد أعداءنا الحقيقين
و من المصطلحات المغلوطة اللي ظهرت و لازم ناخد وقفة معاها و نفهمها صح هي:
المقاطعة:
مقاطعة كلا البلدين (مصر و الجزائر) لمنتجات و استثمارات البلد الآخر بسبب المباراة المؤلمة إللي حصلت بيننا
طب كان أولى بينا إننا نتعلم نقاطع اليهود و الأمريكان إللي مبهدليننا و مشردين إخواننا في كل مكان
كان أولى بينا إننا نعلم أولادنا حب بلادنا و مقاطعة البيبسي و الشيبسي و ما شابه
كان أولى إننا نقاطع الصهيونية و الاستثمارات الأمريكية في بلادنا
التاريخ:
كل شعب من البلدين بقى يتكلم عن مساوئ تاريخ بلد الآخر و إزاي إنهم كانوا عبيد في فترة من الزمن و كانوا أبناء لشخص منبوذ في فترة من تاريخهم
طب كان أولى إننا نتعلم تاريخ الفتوحات الإسلامية و نتعلم منه عشان نقوم من تاني و نعرف أعداءنا الحقيقين
كان أولى إننا نتعلم تاريخ اليهود و الصهاينة و الأمريكان و نتعرف عليهم أكتر و نعرف ليه هم أعداءنا الأوائل
كان أولى إننا نتعرف على تاريخ بلادنا و نعلم أولادنا تاريخ صلاح الدين و تاريخ جميلة بو حريد
الوحدة باسم الوطن:
ظهر لنا مفهوم الوحدة إللي غاب عننا سنين و سنين و مأساة تلو المأساة .. وحدة البلد ضد عدوها الأول و هي البلد الأخرى
طب كان أولى إننا نتوحد لما ساءوا لرسولنا الكريم صلى الله عليه و سلم
كان أولى إننا نتوحد ضد الظلم و ضد القهر و ضد العنف و الإرهاب
كان أولى إننا نتوحد لما أهانوا بلادنا و إسلامنا و عروبتنا
علم بلادي:
بقينا نحب علم بلادنا أوى دلوقتي .. و ندافع عنه ضد إخواننا العرب و المسلمين
طب كان أولى إننا نحب علمنا و بلادنا لما اليهود ضحكوا علينا و على تخلفنا و تدهورنا
كان أولى إننا نحب بلادنا و نقاطع عدوها الأول و هم الصهاينة
كان أولى إننا نحب بلادنا و علمها لما فقدنا العلم و الأخلاق
التكسير و الهدم باسم الوطنية:
كسرنا و هدمنا و هددنا بعضنا باسم الوطنية و الانتماء لبلادي
طب كان أولى إننا نكسر و نهدم علاقتنا بأعداء الإسلام و العروبة
كان أولى إننا نقاتل و نجاهد من أجل فلسطين
كان أولى إننا نتجمع على كلمة "و سارعوا"
عدوي الأول:
أبشع مصطلح سمعتناه الفترة الأخيرة .. كلمة البلد دي عدونا الأول و في مقام اليهود و الصهاينة
طب كان أولى تتعرف على عدوك الحقيقي إللي نهب أرضك وسب دينك و باع عرضك
كان أولى نتجمع ضد الصهاينة إللي بنوصف بعض بيهم دول
كان أولى إننا نعيش عشان نتخلص من عدونا الأول و بعدين نشوف خلافتنا الشخصية
لازم نتخلص من المصطلحات دي قبل ما تخلص علينا
المصطلحات دي لازم توجه ضد أعداءنا اليهود و الأمريكان إللي بهدلونا و نهبونا و أساءوا لكل معتقد و فكر و إيمان لينا
ما تسمحوش للي بيحصل دا يبعدنا عن حبنا لبعض و يجعلنا أعداء لبعض في المقام الأول وونسى القضايا المهمة إللي بتواجه الأمة دلوقتي
خاف من سؤال ربنا لما يقولك لما دا عدوك الأول طب عملت إيه في عدوك الحقيقي اللي سلبك كل عزيز و غالي
هنقوله إيه؟
هنقوله إيه؟
بنكررها :
مش غلط إنك تزعل عشان بلدك ووطنك و تطالب بحقها بس الأولى بجد إنك تتهم الشخص الصحيح .. و تاخد حقك بأسلوب متحضر .. و إننا ما نفرطش في اجتماعنا على الدين و العروبة .. لإن هو دا هدف العدو الحقيقي لينا كلنا
