أول جريمة في الكون كانت بين اتنين إخوات
قابيل هابيل لازم نتعلم من كل إللي فات
تاريخنا عاد نفسه مليون مرة و ما بنتعلمش
و بنسأل نفسنا دايما طب ليه ما بنتقدمش
قالها راجل حكيم زمان في الاتحاد قوة و في الفرقة ضعف
يا ريتك تفهم معنى كلمة ضعف
عارف الغرب اتحول لعالم أول ليه
مشيوا بالظبط على إللي جدودك في يوم قالوا عليه
الغرب اتعلم مننا فكرة الاتحاد
و ترجم كل كتبنا للغاتهم و تقدم و استفاد
و إحنا بقينا عالم تالت
و كرهنا لبعض زودها خلانا عالم مكانو ثابت
يا مصر و يا جزائر انتو أحفاد شهداء
لرفع اسم العروبة فوق فدوها بالدماء
و الله لو عملتوا نص اللي اتعمل ما بينكم ساعة ما امريكا جت
غزت العراق ما كنتش دخلت
خير أجناد الأرض و أقوى و أعظم ثوار
لو اتحدتوا مع بعض صوتكو هيكون جبار
قريت جرايد بره شفت اليوتيوب و اتنكدت
ياااه لما الحفيد يضيع جهد الجد
صراع الأخوات .. بقى مانشيتات .. في جرايد الغرب
كل المحطوط على اليوتيوب مش تشجيع دي اسمها حرب
تشجيع بلدك من حقك .. مش بس من حقك دا واجبك
اهتف قوم ارفع علمك .. شيل كره أخوك من قلبك
إوعى تخلي الأنانية و العصبية تشوه وطنك
الوطن العربي مهو وطني و وطنك
فيكو نفس الأديان .. فيكو نفس الألوان
نفس القارة .. نفس الوطن .. انتو الاتنين إخوان
فوقوا .. فوقوا .. فوقوا ..
رسالة إلى كل فنان أو إعلامي . سواء ففي مصر أو الجزائر ساهم في زيادة المشكلة بين الشعبين عشان يزود شعبيته ..
أنا لا أحترمك
No comments:
Post a Comment