مش همّــــــــــا دووول

من حقك تشجع بلدك وتتمنى الفوز ليها, من حقك تزعل لما فريق بلدك يخسر, من حقك تغضب لما تلاقى شغب من مشجعين ويتسببوا فى أصابات لأولاد بلدك,

كل ده من حقك..

بس مينفعشي يبقى بلد عربي شقيق يكون عدوك الأول عشان مباراة رياضية .. مش هما دوول

نعمل اللى أحنا عايزنه, منلعبش رياضه تانى معاهم, نقدم فيهم شكاوى, أى حاجه ألا أننا نقول عليهم أعدئنا ونقول عليهم يهود وصهاينه وهم من يستحقون أن يكونوا عدونا الأول ..

خلينى أسألك سؤال, لو الرسول صلى الله عليه وسلم قاال حاجه وأى حد تانى فى الدنيا قال حاجه تانى, تفتكر نصدق مين؟؟!!

طبعا هتقول رسول الله, طيب ياسيدى لم اقولك أن رسول الله (ص) قال
فى الصحيحين عن النعمان بن بشير رضى الله عنه عن النبى صلى الله عليه وسلم, مثل المؤمنين فى توادهم وتراحمهم وتعاطفهم مثل الجسد الواحد اذا اشتكى منه عضو تداعى له سائر الجسد بالسهر والحمى

وكمان قال صلى الله عليه وسلم

فى صحيح البخارى, عن عبد الله بن مسعود عن الرسول الله عليه وسلم
سباب المسلم فسوق ، وقتاله كفر

طبعا هتقولى أنت جى تقول لينا الكلام ده, رووح قولوه ليهم, ياسيدى أنا بقوله لينا وليهم ولكل المسلمين, مينفعشى المصريين يشتموا الجزائريين, ولا الجزائريين يشتموا المصريين, ولا أى مسلم يشتم مسلم تانى أو حتى غير مسلم عشان ده مش من دينا عشان كده

نداء لكل العقلاء فى الشعب المصرى والجزائرى, أوقفوا الفتنه,لا المصريين أعداء الجزائرين ولا الجزائرين أعداء المصريين, الله عزوجل هيسألنا يوم القيمة عملتوا أيه عشان توقفوا الفتنه دى, كلم أهلك وصحابك, ردّووو على كل اللى بينشروا الفتنه باسم الوطن والأنتماء

ياريت ياجماعه أى حد مقتنع بالكلام ده وعايز يقول كلمه أو رأى أزاى نوقف الفتنه دى, يبعت لينا على mesh.homma.dool@gmail.com

وهننشر رأيه على البلوج هنا يمكن ربنا يوفقنا ونقدر نوقف الفتنه ويرضى عنا الله عزوجل ويفرح بينا الرسول فى يوم القايمة

وأخيار نداء الى كل من بينشروا الفتنه باسم الوطن والأنتماء " من كان يؤمن بالله واليوم الأخر فليقل خيرا أو ليصمت"

من فضلك اصمت!!!